galing na tayo rito- lukas lazaro

the wild days had to end. paggising mo isang umaga, nakaumang na ang baril sa sentido. anong halimaw pa kaya ang kayang pakawalan ni gloria? isang tula mula sa zine na emergencia poemas: break glass in case of national emergency.

xerox republic

i.

muling ginurlisan ang katawan ng edsa ng mga pamilyar na titik. may unawaan na ang malawak nitong pader at ang mumurahing pulang pintura:

ang salita’y magkakatawang tao
mag-aaklas
makakapagpabago ng panahon

ii.

napagkit ang mga mata/tenga sa telebisyon/radyo.
narinig mo na raw ito noon:

ang salita’y magkakatawang-pulis
mambubuwag
pipigil sa pagpihit ng pagkakataon

iii.

walang pang-alala ang lansangan.
di nakalilimot ang katawan
sa mga hambalos, suntok at tadyak.

iv.

saang tula ko ba nabasa na “ang kamao’y may hugis ng daigdig na nakaamba?”